Bli student

...ved Høgskulen i Sogn og Fjordane!

Høgskulen i Sogn og Fjordane er ein middels stor statleg høgskule lokalisert i Sogndal, Førde og på Sandane. Høgskulen har eit breitt fagleg spekter med til saman ca tre tusen studentar og tre hundre tilsette.

HSF si rolle er å yta faglege tenester med ein yrkesrelevant profil innanfor våre kunnskapsfelt. Kvaliteten på HSF sitt faglege arbeid skal halda godt internasjonalt nivå. Kunnskap er til for å delast. Ved HSF arbeider tilsette og studentar mot same mål: å lukkast med sine faglege prosjekt!

Høgskulen har tre attraktive lærestader med ulike kjenneteikn:

• Sogndal
  
  - Mangfaldig fagleg tilbod
  - Aktivt studentmiljø med base i velkjende Meieriet
  - Friluftsliv som profilerte aktivitetar

• Førde
  
  - Fagleg tilbod innan helse- og ingeniørfag
  - Tett samhandling mellom utdanning og yrkesfelt 
  - Eit godt og nært studentmiljø i moderne bygg.

• Sandane
  
  - Studiesenter spesielt tilrettelagt for vidareutdanningar på deltid.
  - Attraktive butilbod for dei som kjem for tidsavgrensa opphald.