Studentbarnehage
I Sogndal driv SISOF Sogndal Studentbarnehage.
Studentbarnehagen held til i flotte lokale på eit plan, opna hausten 2003. Barnehagen ligg sentralt plassert med gangavstand til alle høgskulen sine avdelingar i Sogndal. Sogndal Studentbarnehage har 44 plassar.
Sogndal Studentbarnehage er eit tilbod til studentar ved HSF som har barn. Barnehagen er spesielt retta mot studentane sine behov - for mange er det ein stor overgang med flytting og det å bli kjend i eit heilt nytt miljø, for både vaksne og barn.
Dei tilsette i studentbarnehagen har lang erfaring og høg kompetanse med å ta imot "studentbarn". For dei føresette er det ein fordel å møte andre foreldre i same situasjon og det vert lettare å lage "nettverk".
Studentbarnehagen har eit tett samarbeid med HSF. Barnehagen er øvingsbarnehage for avdeling for lærarutdanning, i tillegg har studentane høve til å praktisere drama, musikk, forming og pedagogikk i barnehagen - - noko som gjer at kvardagen for barnehageborna tidvis vert svært variert og spanande. Personalet held seg på same måte godt fagleg oppdatert.
I Førde disponerer SISOF i alt åtte barnehageplassar, i Viebøen barnehage.
Barnehagen ligg nær HSF sitt bygg på Vie. Viebøen barnehage opna august 2005.