Studentrådgjeving

Sisof driv ei psyko- sosial helseteneste som tilbyr samtalar med kvalifisert helsepersonell. Tilbodet er ikkje meint som ei erstatting for det offentlege helsevesenet, men som eit tilbod for å møte studentane sine særskilde behov for tilgjenge og kompetanse i ei spesiell livsfase.

Alle kan oppleva vanskar i livet og for somme kan det vera vanskeleg å komma vidare. Det syner seg at det kan hjelpa å snakka med nokon. Som student er du velkommen til samtale om det du måtte ha på hjarta. Vi tilbyr samtalar og kurs knytt til ulike problemstillingar. Saman prøver vi å finne ut kva hjelp du kan ha nytte av. Nokre gonger vil løysinga vera å henvisa  vidare til ei anna teneste.

Først og fremst – nokon å snakke med.

·         Er du ny student og ikkje finn fram i systemet

·         Har  du vanskar med å finne deg til rette og vurderer å slutte med studia

·         Har du fysiske/psykiske helseproblem og ikkje veit kvar du kan få hjelp

·         Er du i ein krisesituasjon, slit du med angst, depresjon og/eller søvnproblem

·         Har du spiseproblem

·         Har du eit rusproblem

·         Treng du hjelp til å søke offentlege helse og/eller sosialtenester

·         Er du åleinemor/far og treng rådgjeving

·         Har du lese og skrivevanskar

·         Slit du med eksamensangst

·         Føler du deg einsam og treng nokon å prate med

·         Slit du i studiesituasjonen med til dømes med struktur i studiekvardagen, pensumlesing, eksamenslesing osb

Ikkje nøl med å ta kontakt !

I tillegg til samtalar tilbyr vi hjelp til å søka særordningar i høve eksamen, studiekvardag, diverse hjelpemiddel og liknande for til dømes dyslektikarar og andre med lese og skrive vanskar, kronisk sjuke eller andre som treng slike ordningar.