Stedjeåsen

Det er totalt 90 hyblar fordelt på tilsaman 12 to-etasjes småhus i Stedjeåsen. Hyblane på Stedjeåsen er dei hyblane som har høgst standard av dei bustadane som SISOF kan tilby i Sogndal. Kvart hus har åtte hyblar, fire på kvart plan. Hyblane ligg på ei høgde i Sogndal sentrum med gangavstand til høgskulen sine avdelingar i Sogndal. Nokre av hyblane har flott utsikt over Sogndal og Sogndalsfjorden.
 

• Alle hyblar har eige bad, fire og fire hyblar deler kjøken og stove.
• Hyblane har kabeltv og gratis tilgang til internett.

Sjå romplan frå ein underetasje her

Eit felleshus på området inneheld i tillegg til to hyblar tilpassa rullestolbrukarar også eit vaskeri (kortbasert) med vaskemaskiner og tørketromlar og postrom med postboks for kvar hybel. I samband med felleshuset er det uteplass for grilling og sykkelbod.I kvart hus er det to hyblar på 15,5 m2 (begge i underetg) og 6 hyblar på 12 m2.

Hyblane er møblerte med:

• rammemadrass
• bokhylle
• salongbord med stol
• skrivebord med stol og dobbelt garderobeskap.
• Bad med wc, vask og dusj.
• Kjøken med kvitevarer (komfyr, kjøl/fryseskap).
• Stove med sofa og salongbord. 

Du må sjølv ta med sengetøy (dyne/pute) og kjøkenutstyr, evt. TV og datamaskin.