Studentbustader
Studentbustader
Tildeling av SISOF sine bustader 2013/2014
Husleigesatsar frå 1.august 2013 finn du her.
Dei som bur hos SISOF 2012/2013 har leigekontrakt som går til 31/7-13.
For dei som er student, men ikkje bur hos SISOF og for nye studentar 2013/14 er søknadsfristen for hovudtildelinga 15/6, søknader vert aksepterte frå 15/4. Sidan hovudtildelinga har ein frist (15/6), er det ikkje vesentleg når ein søkjer, berre søknaden vert registrert hos SISOF i tidsrommet 15/4-15/6. Ved hovudtildelinga vert søkjarar under 20 år og tilreisande studentar prioritert framfor andre. Der søkjarar elles står likt vert tildelinga avgjort ved loddtrekking.
Leigekontraktar for studieåret 2013/14 går frå 1/8 2013 til 31/7 2014.
Tildelingsreglement for SISOF sine studentbustader finn du her.
SISOF sine studentbustader:
Sogndal
Studentheimen: 78 hyblar og 6 leilegheiter, Stedjeåsen: 90 hyblar Elvatunet: 80 hyblar og 8 leilegheiter. Elvatunet 1: 50 hyblar.
Førde - Vieåsen
80 hyblar og 5 leilegheiter
Sandane
2 internatbygg
SISOF har i dag desse bustadtilboda (nokre hyblar er spesialtilpassa til funksjonshemma)
Det er røykeforbod i alle SISOF sine bustader, dette gjeld og fellesareal.
Vi gjer òg merksam på at det ikkje er lov å ha hund og katt eller andre husdyr.
Husvertordning
SISOF har ei husvertordning med husvertar på Stedjeåsen, Elvatunet, Elvatunet 1 og Studentheimen i Sogndal.
Du kan spørje husvertane om det meste.Til dømes om du treng ei gjesteseng eller du vil låna brettspel eller om du treng hjelp til å løysa konfliktar osb.
Husvertane har ein viktig sosial funksjon i våre husvere og har jamnlege møter for bebuarane der det blir tatt opp aktuelle tema. Du må gjerne kome med innspel til saker du ynskjer skal bli tatt opp. Møtetidspunkt blir hengd opp på førehand.